Notice NO: 44 Sesotho 24.03.2021
K’hamphani ea Metsi le Likhoerekhoere (WASCO) e tsebisa sechaba sa motse oa Police Europa Maseru hore phepelo ea metsi e khaohile ho tloha ka Labobeli la la 23 Tlhakubele 2021 motšeare, ka morà teko ea ho lokisa mochini o laolang sekhahla sa phallo ea metsi (Gate Valve) sebakeng sena.
Sesosa ke taba ea ho shoa ha Mochini ona o laolang phallo ea phepelo ea metsi motseng oa Police Europa. Tšebetso ea tokiso e tlo boela e tsoela pele kajeno e leng Laboraro la la 24 Tlhakubele 2021 ka sepheo sa ho khutlisetsa maemo setloaeling.
Sechaba sa motse e boletsoeng, se koptjoa hoba le mamello le tšebelisano `moho e mofuthu nakong ena eo tšebetso ea tokiso e ntseng e tsoela pele.
WASCO e ikopela tšoarelo ka tšitiso e tla bakoa ke sena.
