K’hamphani ea Metsi le Likhoerekhoere (WASCO) e tsebisa sechaba sohle sa Maseru hore phepelo ea metsi e tla ba monyebe ho tloha kajeno, e leng Labone la la 12 Phato, ho isa Labohlano la la 13 Phato 2021, lipakeng tsa hora ea borobeli hoseng, ho isa ea bohlano mantsiboea (08hrs00 – 17hrs00). Sesosa ke tšebetso ea tokiso e ntseng e tsoelà pele, setsing sa tlhahiso le tlhoekiso ea metsi Metolong.
Tebello ke hore sekhahla sa phallo (pressure) se tla theoha haholo libakeng tse phahameng likarolong tse ling tsa toropo le metse e ka mathoko ho Maseru nakong ena ea tšebetso.
Morija, Roma le Teyateyaneng tsona ha Ii na angoa ke tšebetso ena.
Sechaba se eletsoa ho ipokella metsi a tla lekana, haholo nakong ena eo tšebetso ea tokiso e ntseng e tsoelà pele. Phepelo e tla khutlela setloaeling hang ha tšebetso e phethetsoe.
WASCO e ikopela tšoarelo ka tšitiso e tla bakoa ke tšebetso ena.